कामना विकास बैंकको खुद मुनाफा १० करोड ५ लाख रुपैयाँ
Post Date : February 28, 2017 | 11:26 am
काठमाडौँ, १७ फागुन । कामना विकास बैंकले चालु आर्थिक वर्ष २०७३/७४ को दोस्रो त्रैमासिकसम्म ६ अर्ब ९ करोड ७ लाख रुपैयाँ निक्षेप संकलन र ६ अर्ब १ करोड ६१ लाख रुपैयाँ कर्जा प्रवाह गरी १० करोड ५ लाख रुपैयाँ खुद मुनाफा आर्जन गरेको छ । गत आर्थिक वर्ष २०७२/७३ को दोस्रो त्रैमासिकमा बैंकले खुद मुनाफा ४ करोड ३६ लाख रुपैयाँ गरेको थियो ।
बैंकको चालु आ.व.को पुस मसान्तसम्म निस्क्रिय कर्जा १ दशमलब ४८ प्रतिशत छ भने कर्जा निक्षेप अनुपात ७८ दशमलब ०५ प्रतिशत रहेको छ ।
हाल बैंकको चुक्ता पूँजी ६६ करोड १६ लाख रुपैयाँ छ । त्यस्तै जगेडा कोषमा ३८ करोड ४५ लाख रुपैयाँ रहेको छ ।
बैंकको ९ वटा एटिएम र २१ वटा शाखामार्फत ग्राहकवर्गलाई बैंकिङ सेवा दिँदै आइरहेको छ ।
