नेपाल इन्भेस्टमेन्ट बैंक-मन्दिर पुनःनिर्माणमा सहयोग

Post Date : October 3, 2016 | 5:42 pm

काठमाडौँ, १७ असोज । नेपाल इन्भेस्टमेन्ट बैंकले विश्व सम्पदा सूचीमा सूचीकृत ऐतिहासिक हनुमानढोका परिसरमा रहेको गोपीनाथ तथा जगन्नाथ मन्दिर पुनःनिर्माणका लागि रु एक करोड सहयोग गर्ने घोषणा गरेको छ ।

गत वर्षको विनाशकारी भूकम्पले आंशिक रुपमा क्षति भएको ती ऐतिहासिक मन्दिर हाल जापान सरकारको आर्थिक एवम् प्राविधिक सहयोगमा राष्ट्रसङ्घीय शैक्षिक, वैज्ञानिक तथा सांस्कृतिक सङ्गठन ९युनेस्को०ले पुनःनिर्माण गरिराखेको छ ।

युनेस्कोद्वारा आज यहाँ आयोजित कार्यक्रममा बैंकका अध्यक्ष पृथ्वीबहादुर पाण्डेले बैंकले काठमाडाँै उपत्यकाका भूकम्पबाट क्षति पुरयाएका पुरातात्विक स्थलको पुनःनिर्माणमा सहयोग गरेको जानकारी दिनुभयो ।

जापान सरकारले भूकम्पका क्षति भएका सम्पदा पुनःनिर्माण सहयोग कार्यक्रमअन्तर्गत युनेस्कोलाई रु एक करोड ५० लाख सहयोग गरिसकेको छ ।

कार्यक्रममा नेपालका लागि जापानी राजदूत माससी ओगावाले भूकम्पले क्षति भएका काठमाडौँ उपत्यकाका सम्पदा पुनःनिर्माणमा थप सहयोग गर्ने जानकारी दिनुभयो ।

पुरातत्व विभाग, विश्व सम्पदा संरक्षण शाखाका प्रमुख सुरेश श्रेष्ठले भूकम्पले क्षति भएका सम्पदाको पुनःनिर्माणमा विभागले कार्ययोजनासहित काम गरेको जानकारी दिनुभयो । रासस

Leave a Reply

Your email address will not be published. Required fields are marked *