उनन्साठी करोड भन्दा बढी राजस्व सङ्कलन

Post Date : July 30, 2016 | 6:43 pm

पोखरा, १५ साउन । यातायात व्यवस्था कार्यालय गण्डकीले आव २०७२/७३ को अन्त्यसम्ममा रु ५९ करोड १७ लाख १० हजार १०८ राजस्व सङ्कलन गरेको छ ।

सो कार्यालयले अघिल्लो वर्ष रु ५३ करोड १८ लाख ६१ हजार ८९५ राजस्व सङ्कलन गरेको थियो ।

सो अवधिमा कार्यालयले सवारी साधनकरमा रु ४८ करोड ५८ लाख ६२ हजार १८५, सडक निर्माण तथा सम्भार दस्तुरमा रु ६ करोड ५९ लाख ४६ हजार २३६, सवारी इजाजतकरमा रु दुई करोड २४ लाख ८८ हजार २९३ र यातायात क्षेत्रको आम्दानीमा रु एक करोड ७४ लाख १३ हजार ३९४ राजस्व सङ्कलन गरेको कार्यालयका सूचना अधिकारी डम्बरबहादुर चन्दले जानकारी दिनुभयो ।

यस्तै कार्यालयमा हालसम्म मोटरसाइकल एक लाख ८ हजार ७५९ र अन्य ठूला तथा साना सवारी साधन ३५ हजार ७३५ दर्ता भएका छन् । रासस

Leave a Reply

Your email address will not be published. Required fields are marked *