गुहेश्वरी मर्चेन्टको छैटौं शाखा कलैयामा
Post Date : November 11, 2016 | 3:51 pm
काठमाडाैँ, २६ कात्तिक । गुहेश्वरी मर्चेन्ट बैंैकिङ्ग एण्ड फाइनान्स लिमिटेडले बारा जिल्लाको कलैयामा छैटौं शाखा स्थापना गरेको छ । कम्पनीको यसअघि प्रधान कार्यलय ललितपुरको हरिहर भवन तथा शाखा कार्यलय काठमाडौंको चाबहिल, चुच्चेपाटी, हेटौंडाको कान्तिराजपथ, विरगञ्जको आदर्शनगर र बिर्तामोडको चारआलीमा कार्यालय स्थापना भइसकेको जनाएको छ ।
२०७३ असार मसान्तसम्म २ अर्ब १७ करोड रुपैया निक्षेप संकलन र १ अर्ब ७९ करोड रुपैया कर्जा प्रवाह गरी २ करोड २३ लाख रुपैया संचालन मुनाफा गरेको फाइनान्सद्वारा जारी विज्ञप्तीमा जनाइएको छ ।
गुहेश्वरी मर्चेन्टले २ शेयर बराबर एक शेयर निष्काशन गरेको शेयर बिक्रिी बन्द यही कात्तिक २५ गतेबाट भएको छ । रु १०० अंकित दरका १४ लाख ६८ हजार ६ सय ९७ कित्ता हकप्रद शेयर असोज २१ गतेदेखि निष्काशन गरेको थियो ।
