दूध उत्पादन बढ्दो
ललितपुर, १८ साउन । जिल्लामा दूध उत्पादन बर्सेनि बढ्दो छ ।
ग्रामीण क्षेत्रमा पशुपालन कम हुँदै गए पनि सहरी क्षेत्र नजिकका ठाउँमा व्यावसायिक पशुपालन बढ्दा जिल्लामा दूध उत्पादन बढेको हो । करिब छ वर्षको तथ्याङ्कले दूधको उत्पादन बढिरहेको देखिएको छ । आव २०६७/६८ मा ३० हजार १०२ मेट्रिक टन दूध उत्पादन भएको थियो । आव २०७२/७३ सम्म आइपुग्दा ३२ हजार ८३५।५ मेट्रिक टन दूध उत्पादन भएको जिल्ला पशुसेवा कार्यलयका सूचना अधिकारी पार्वती धामीले जानकारी दिनुभयो ।
कार्यालयको तथ्याङ्कअनुसार आव २०६८/६९ मा ३१ हजार ५६१ मेट्रिक टन, आव २०६९/७० मा ३१ हजार ८२८, आव २०७०/७१ मा ३२ हजार २० तथा २०७१/७२ मा ३२ हजार ८२९ मेट्रिक टन दूध उत्पादन भएको थियो ।
जिल्लामा व्यावसायिक पशुपालन बढ्दा दूध उत्पादन बढेको हो । जिल्लाका दक्षिणी ९ग्रामीण० क्षेत्रका बासिन्दा भूकम्पपछि सहरी क्षेत्रमा बसाइँ सर्न थालेका छन् । तिनै भूकम्पपीडितले सहरी क्षेत्र नजिक पशुपालन थालेका छन् । “भाडामा जग्गा लिएर धेरैले पुशपालन गरी मनग्य आम्दानी गर्न थालेका छन्,” सूचना अधिकारी धामीले भन्नुभयो । रासस
