नेपाल बैंकले हकप्रद शेयर जारी गर्ने
Post Date : March 7, 2017 | 12:46 pm
काठमाडौँ, २४ फागुन । नेपाल बैंक लिमिटेडले १ अर्ब ५४ करोड ३१ लाख ८४ हजार रुपैयाँ बराबर शेयर निष्काशनको लागि नेपाल धितोपत्र बोर्डमा आवेदन दिएको छ ।
बैंकको प्रस्तावलाई धितोपत्र बोर्डले स्वीकृति दिएमा शेयरधनीले १०० कित्ता शेयर बराबर २३ दशमलब ७४ कित्ताका दरले हकप्रद शेयरका लागि आवेदन दिन सक्नेछन् ।
बैंकको हाल चुक्ता पूँजी ६ अर्ब ४९ करोड ९४ लाख ७८ हजार रुपैयाँ छ । हकप्रद शेयर निष्काशनपश्चात नेपाल राष्ट्र बैंकले तोकेबमोजिमको ८ अर्ब रुपैयाँ नेपाल बैंकको पुग्नेछ ।
बैंकले चालु आर्थिक वर्षमा २०७३/७४ को पुस मसान्तसम्म ८४ अर्ब ८३ करोड ३९ लाख रुपैयाँ निक्षेप संकलन र ७० अर्ब ८१ करोड ५५ लाख रुपैयाँ कर्जा प्रवाह गरी १ अर्ब ८९ करोड ५० लाख रुपैयाँ खुद मुनाफा गरेको छ । निस्क्रिय कर्जा भने यस अवधिमा २ दशमलब ८५ प्रतिशत रहेको छ ।
