रोयल इन्फिल्ड हेरिटेज राइड हुने
काठमाडौं, २१ साउन । भोलि शनिबार अर्थात साउन २२ गते बिहान ७ वजे नक्सालबाट रोयल इन्फिल्ड हेरिटेज राइड हुने भएको छ । नेपालमा रोयल इन्फिल्ड मोटरसाइकलको आधिकारिक बितरक दुगड ब्रदर्स एन्ड सन्सको आयोजनामा सम्पन्न हुने उक्त हेरिटेज राइड भक्तपुर दरबार स्क्वायरमा पुगेर समापन हुने छ । हेरिटेज राइडमा रोयल इन्फिल्ड बाइक राइडरहरु सहभागी हुने छन् ।
हेरिटेज राइड रोयल इन्फिल्डको नक्सालस्थित नयाँ सोरुमबाट प्रारम्भ हुनेछ । हेरिटेज राइडले दरबारमार्ग, न्युरोड, रत्नपार्क, त्रिपुरेश्वर, कुपन्डोल, जावलाखेल, पुल्चोक, मंगलबजार, ग्वार्को, रोयल इन्फिल्ड सोरुम बालकुमारी, कोटेश्वर, ठिमी, सल्लाघारी हुँदै भक्तपुर दरबार स्क्वायर पुग्ने छ ।
दरबार स्क्वायरमा पुगेर विविध गतिबिधिका साथ हेरिटेज राइड समापन हुने आयोजकको भनाइ छ । टु ह्विल टुरिज्म तथा वल्र्ड हेरिटेज साइटको प्रबद्र्धन गर्नु नै यसको मूख्य उद्देश्य भएको आयोजकको भनाइ छ ।
